ماتعيطوش بعدي
اضحكوا
واضحكوا قوي كمان
اضحكوا علي الدنيا
بنت الايه
اللي ضحكت عليه وفهمتني
ان مافيش دنيا غيرها
انا مارحتش اخر المطاف
انا بس في مكان مافيهوش دوشه
لو عايزين تفتكروني
ما تروحوش قبري
روحوا اسكندريه
صدقوني
هاتفتكروني هناك احسن
زي ريحه اليود في جو اسكندريه.. زي الشيشه علي الحسين.. والحبيبه علي كورنيش بلدنا.. زي بياع الدوم قدام المدرسه الابتدائي.. ولون وريحه الورق القديم الاصفر .. وكورنيش اسكندريه القديم.. ومعمار وسط البلد.. ويوم الخميس الضهر.. والجمعه الصبح.. زي شجره مفرعه من غير ورق.. وصورنا القديمه اللي في الصندره.. و لون الغيوم في عز الشتا.. وزي كل حاجه بتخلينا نحس بالـ........ حـــــــــــــــــــــــــنــــــــــــــــــــــــــيــــــــــــــــــــن
ليست هناك تعليقات:
إرسال تعليق