وانا تحت الميه
وحشتني الدنيا
طلعت وبصيت عليها
بس افتكرت
ده انا زعلانه منها قوي
نزلت تاني
وحشتني تاني
طلعت تاني
افتكرت تاني
وفضلت كده انزل توحشني
اطلع افتكر
لحد ماخدت قراري
نزلت وماوحشتنيش
بس سمعت واحد بيصرخ
غـــــــــــريـــــــــق
شدوني لدنيا بقسوه
نيموني علي الرمل
بيحاولوا يفوقوني
وانا واقفه جنبهم
بحاول اقولهم اي حاجه
بصيت علي الدنيا
لقتني نسيت كل حاجه
ولقيتها حلوه قوي...
الاثنين، 9 يونيو 2008
الاشتراك في:
تعليقات الرسالة (Atom)
ليست هناك تعليقات:
إرسال تعليق