رسمت بالحبر الشيني
واللوان الجواش
رسمت بالوان الخشب
والقلم الرصاص
ظللت
ولونت
وحددت
مالقتش حاجه
تعبر عن اللي جوايه
بصدق
غير القلم الجاف
لما رسم حروف
ماشيه تتمخطر علي سطر
وسايبه سطر..
زي ريحه اليود في جو اسكندريه.. زي الشيشه علي الحسين.. والحبيبه علي كورنيش بلدنا.. زي بياع الدوم قدام المدرسه الابتدائي.. ولون وريحه الورق القديم الاصفر .. وكورنيش اسكندريه القديم.. ومعمار وسط البلد.. ويوم الخميس الضهر.. والجمعه الصبح.. زي شجره مفرعه من غير ورق.. وصورنا القديمه اللي في الصندره.. و لون الغيوم في عز الشتا.. وزي كل حاجه بتخلينا نحس بالـ........ حـــــــــــــــــــــــــنــــــــــــــــــــــــــيــــــــــــــــــــن
ليست هناك تعليقات:
إرسال تعليق