الاثنين، 4 أغسطس 2008

الشتا

خسرت خساره عمرك
يااللي ما رحت اسكندريه في الشتا
تبقي ماشفتش جمال
تبقي ما عرفتش الحقيقه
وهاتعيش طول عمرك
في وهم ان البحر غدار
وان اسكندريه برد في الشتا
اسكندريه كل ما تشتي
يا ابني بتدفي
وبعد كل نوه
نسمه حلوه
البحر فعلا مش غدرا
ولا هو يعني علشان ساكتلنا
وقاعد من كام مليون سنه يتفرج علينا
روح وشوفه في الشتا
هاتعرف انك مش اده
وانه اقوي منك وبيحذرك
انك ماتستهونش بيه
ومش مشكلته خااااااالص
انك ماروحتش
اسكندريه في الشتا

هناك تعليق واحد:

Unknown يقول...

علا اللى ماشقش الشتا فى اسكندرية عمرو ما شاف شتى ..المشى على البحر الصبح بدرى والكون كله مغلف بلون مشتق من الازرق و لكنه ليس ازرق و الواحد يطلع دخان ابيض كل ما يتكلم و لمسة البرد المنعشة فعلا اسكندرية حلوة قوى فى الشتا