زمان عم احمد فؤاد نجم قال
(لما بتكرهه..تكرهه موت
ولما تحب ..تحب صبابه
واما بتفرح..يبقي الفرح علي البوابه
واما بتزعل تبقي ربابه)
ده اكيد بيتكلم عن امي مش عن مصر
امي اللي تبان اصغر مني بس شايله الهم
شايلاه من ضغرها شيل
لا تعبت ولا حتي قالت بم
اه هي غاويه شويه افلام واغاني
من اجل ابنائي
وكتاب حياتي
وحكايتي مع الزمان
بس برضو ضحكتها تجنن
طول عمرها جميله
خدت حظها في جمالها
واحتمال في عيالها
بس اللي اضمنهولها
انها ليها بدل الجنه كذا جنه
مش قادره اوعدها تشوفني احسن واحده
ولا حتي اجمل واحده
كل اللي اقدر اوعدها بيه
انها تلاقيني اكتر واحده
بتحب واحده
اسمها ماما
وابو ام اللي يزعل يا شيخه...
الاشتراك في:
تعليقات الرسالة (Atom)
ليست هناك تعليقات:
إرسال تعليق