لسان جوه البحر
وانا واقفه لوحدي
في عز النوه
(دي نوه المكنسه ولادي نوه العوا؟)
موج عالي بيغرقني
وبطعم المالح يغريني
مطر سيل بيغسلني
وبطعمه العادب يرويني
هوا شديد يتحدي ثباتي
(اكيد دي نوه المكنسه)
هوا جايبلي معاه
ريحه اليود من البحر
والاوزون من الجو
والسمك من بحري
والشيشه التفاح من استانلي
منين ماتجيب عنيه مش شايفه مخلوق غيري
ملحمه من الطبيعه
علشاني لوحدي
ميه بحر
وميه سما
بيتخانقوا عليه
السما قريبه
والبحر قدامي نص دايره
واسكندريه ورايه بتكمل باقي الدايره
في اوسع من كده حضن؟
في ادفي من كده جو ؟
في كده اصلا؟!!!!
ازاي البلدي قادره تكون
حنينه قوي كده..
الاشتراك في:
تعليقات الرسالة (Atom)
هناك تعليق واحد:
واضح من كتاباتك انك بتحبي اسكندرية اوي ...
وهي فعلا تتحب ....لانها احلي بلد في الدنيا ....
تحية اليكي من طفلة عجوز اسكندرانية
إرسال تعليق